Ieri, domenica 19 luglio, a Dolcedo, si è tenuto l’ormai tradizionale premio di poesia dialettale Bellissimi Versi. Ad aggiudicarsi il Primo Premio del concorso è stato Franco Bianchi, storico culture di dialetto e storia locale, storico collaboratore de La Riviera, di cui è stato il primo direttore negli anni ’90. Questa la sua poesia vincitrice. Il tema era: “Un sogno”
Quonde a l’eu picenin a me credevu
che se a faxevu in sauto bèlu grossu
e prima de caze, mentre a l’eu per l’oia
a ne faxevu in autru e in autru ancù
aa fin per l’oia a ghe restovu appesu.
Prœva ina votta, prœva in’autra votta
a l’eu delongu destrigàu pe tèra
ma st’idea a l’ea cuscì prufunda
che de notte, in tu sognu, a ghe riuscivu.
E prime votte a l’ea fatiga s-cetta
pœi, cianìn cianìn a gò fàu a man
e doppu in po’ a vœovu propiu bèn:
a andexevu in gìu de sa e de là
a scutizò in te qualunque cà.
Tucca, loccia e busticca, in bèlu giurnu
che a sun muntàu ciü sciü di Bardelin
a sèntu ina vuxe ca me ciamma:
u l’è u Segnù che u s’è aragiàu
in tu sognu mi a l’ho pensàu.
A l’ho sercàu de dighe carcosa
de dumandoghe a via pé u Paadisu
ma e paolle i nu me sciurtiva
numa di versi, cume i surdumütti.
Aa fin, peò, “Segnù bèllu” a l’ho ditu.
Sensa fo in tèmpo a zunze ciü ninte
a l’ho sèntìu ina vuxe ciaia e netta:
O scemu, a sun to barba Gianettu
descite che ti me devi agiütò
ancœi a l’ammu da rebundiò!